حلمت اني في محل هدوم بختار فستان و عشان رايحة احضر...

حلمت اني في محل هدوم بختار فستان و عشان رايحة احضر بيه حفلة. كنت قاعدة اختار فساتين قصيرة و مكشوفة. و كان معايا "أسف" (اوفيس بوي كان بيشتغل معانا في شغلي القديم). و ريم (زميلة من شغلي القديم) كانت قاعدة على الارض فاتحة شنطة هدوم و بتختار لنفسها حاجات و قاعدة محتارة. وبعدين سارية ( زميل كنت بتواصل معاه و قطعت ) جه و مكانش عاجبه اني بختار فساتين مكشوفة قمت مختارة فستان احمر بكم و طويل وهو اختارلي واحد اسود بكم و طويل. دخلت غرفة القياس و كان في راجل لابس لبس خليجي تقليدي شايفني و اختارلي فستان تاني مكشوف قلتله لا مش هيليق عليا انا عارفة جسمي عشان مش عايزة احرجه ( اعتقد انه شخصية اعرفها في الواقع). كنت قلقانة ان حد يشوفني من الرجالة بالفساتين المكشوفة دي بس محدش شافني لكن أسف كان واقف معايا بيساعدني و مبتسم جوا غرفة القياس وانا مكنتش متضايقة. دخلت غرفة القياس قست الفستان الاحمر و سالت اسف حلو؟ قالي حلو يا دكتورة بس قلعته و اخترت البس الاسود الي اختاره سارية كان محتشم وواسع و كنت لابسة هيلز عالية جدا. كنت قلقانة ريم تشوفني بكلم سارية بس مش مهتمة قوي